Ciclo de conferencias polo ben común: Lídia Senra fala do TTIP

TTIP 02

Moi interesante a charla que tivemos o venres 10 de xuño con Lídia Senra na Biblioteca da Rúa. Despois da introdución do noso compañeiro Sindo López, comezou a eurodeputada de AGE no debate sobre o TTIP falando doutro acordo menos coñecido pero igualmente nocivo, o CETA, un tratado entre Canadá e a UE, prácticamente pechado, que se chega a ser aprobado fará moi difícil parar o TTIP.

TTIP 04

Son acordos vampiros, como os denomina a activista francesa Susan George, acordos que cando son expostos á luz morren. Daí a importancia, como resaltou Lídia Senra na súa exposición, dos debates públicos fronte á falta de transparencia das administracións e empresas implicadas, debates que ao mesmo tempo vaian creando as condicións para unha mobilización social densa. Só cunha resistencia tenaz dos de abaixo poderanse parar estes acordos creados para favorecer os intereses das grandes multinacionais a expensas da saúde, o medio ambiente e as condicións laborais da gran maioría.

TTIP 03

Moitas grazas a Lídia Senra polo seu compromiso e proximidade, a voz dunha militante por Galicia e a xente sinxela de agro, valores e intelixencia compartida polos que foron os nosos invitados o xoves 16 de xuño, Ángel García Seoane e David Rodríguez, os alcaldes de Oleiros e Manzaneda, cos que conversamos sobre municipalismo, as súas posibilidades e os seus límites, así como tamén da súa experiencia na formación das plataformas veciñais.

TTIP 04

O deputado de En Marea, David Bruzos, recibido por máis de 40 veciños na aldea de San Vicente

A visita do deputado de En Marea, David Bruzos, causou unha grande expectación entre os veciños da aldea de San Vicente, en Vilamartín (Valdeorras). Bruzos aproveitou a súa segunda visita á comarca nesta semana para interesarse por unha antiga reivindicación destes valdeorreses, que desde hai 23 anos sofren os estragos causados por unha pizarreira da zona. Sorprende a pasividade da Diputación de Ourense e da Xunta de Galicia, xa que nestes momentos, a estrada de acceso a San Vicente está oficialmente cortada, debido ao penoso estado no que se atopa a aba sobre a que prácticamente pendura a localidade.
.
Bruzos 01
.
Os veciños explicaron ao deputado de En Marea a súa precaria situación, xa que actualmente o servizo de autobús non chega ata a aldea e moitos dos seus habitantes se viron obrigados a alugar casas no Barco e na Rúa. O pesadelo sufrido por San Vicente vese agravado desde 2011, cando foi reaberta a canteira logo de 11 anos de suspensión por irregularidades na explotación.
.
San Vicente 05
.
Debate sobre a A-76
A continuación, o deputado de En Marea reuniuse con numerosos veciños da Rúa, Petín e Vilamartín, expuxo o traballo realizado durante os seus catro meses no Congreso e respondeu ás preguntas dos asistentes. Entre todos os temas tratados destacou a construción da A-76. David Bruzos anunciou que En Marea está preparando un debate monográfico intercomarcal no que todos os actores sociais e políticos involucrados se reunan con expertos na materia para determinar o mellor xeito de mellorar a comunicación entre Ponferrada e Ourense, tanto en infraestructuras como en transportes públicos.
.
Bruzos 02

Valdeorras presentou 11 propostas para o programa cidadán de PODEMOS

Onte tivo lugar no Barco a xornada de presentación de propostas de PODEMOS en Valdeorras. Finalmente foron once as ideas programáticas que se expuxeron nunha mesa formada por Marcos Cal (Organizador destas xornadas desde o Círculo Pontevedra), Ángela Rodríguez (Secretaria de Igualdade e candidata ao Congreso por Pontevedra), Íñigo Ansotegui (membro do Círculo A Rúa) e Carmela Docampo (Secretaria Xeral PODEMOS O Barco e candidata ao Congreso por Ourense). Así mesmo, a reunión contou coa presenza de Juan Villarino, candidato de PODEMOS ao Senado.

Propuestas O Barco 01

Nesta convocatoria presentáronse tamén dúas propostas suxeridas por Rubén Compés e Ana Rodríguez, membros do Círculo PODEMOS Ourense, onde precisamente péchanse esta tarde estas xornadas que han ter lugar por toda a xeografía galega e nas que se presentaron decenas de ideas programáticas.

Propuestas O Barco 02
A partir de hoxe, estas propostas serán votadas e debatidas no espazo virtual Praza Galicia. As máis destacadas pasarán a Praza Podemos, onde se dará forma ao programa que PODEMOS presentará nas próximas Eleccións Xerais.

Propuestas O Barco 03

Sen dúbida, trátase dunha nova forma de facer política, sen precedentes no noso país, xa que calquera cidadán ou grupo de cidadáns teñen a oportunidade de presentar as súas propostas, así como opinar e votar as ideas programáticas que xa están sendo debatidas e implementadas co consenso de todos os participantes.

O Barco, escenario da presentación de propostas de Podemos en Valdeorras

O vindeiro xoves 18 de agosto, ás 19:00 horas, terá lugar no Multiusos do Concello do Barco a presentación das propostas elaboradas polos membros dos Círculos do Barco e A Rúa para a construción dun programa pensado para solucionar os problemas aos que se enfronta o noso país.

Trátase dunha reunión participativa, aberta a toda a cidadanía, na que calquera poderá expoñer as súas ideas e debatelas para a elaboración do programa con que PODEMOS presentarase ás próximas Eleccións Xerais.



Cartel Inter

 

De momento xa están preparadas unha ducia de propostas que se sumarán aos centenares de ideas provenientes de toda Galicia e o resto de España, algunhas das cales xa están sendo evaluadas e debatidas por todos os participantes nos espazos virtuales Praza Galicia e Praza Podemos.

Estas xornadas, que se viñeron desenvolvendo durante todo o mes de agosto en distintas localidades galegas, supoñen un fito como exemplo de participación cidadá, xa que o programa de PODEMOS vai ser elaborado a partir de todas estas propostas elaboradas pola xente, polo que se converterá nun auténtico programa da xente.

A lectura das distintas propostas estará apoiada pola mesa formada por Marcos Cal (Organizador destas xornadas desde o Círculo Pontevedra), Ángela Rodríguez (Secretaria de Igualdade e candidata ao Congreso por Pontevedra), Íñigo Ansotegui (membro do Círculo A Rúa) e Carmela Docampo (Secretaria Xeral Podemos O Barco e candidata ao Congreso por Ourense).